ថ្ងៃអាទិត្យ ទី៨ ខែកុម្ភៈ ឆ្នាំ២០១៥ ម៉ោង ១៤:៥៥
ខេត្តកំពង់ឆ្នាំង ៖ ជនសង្ស័យជាអ្នកចែកចាយថ្នាំញៀនម្នាក់ក្នុងចំណោមបក្សពួក២នាក់ត្រូវបានកម្លាំងនគរបាលក្រុងកំពង់ឆ្នាំងសហការជាមួយកម្លាំងនគរបាលការិយាល័យប្រឆាំងគ្រឿងញៀនខេត្ត ដឹកនាំដោយលោកព្រះរាជអាជ្ញារងអមសាលាដំបូងខេត្ត បង្ក្រាប និងចាប់ខ្លួនបាន កាលពីវេលាម៉ោង១០ និង៣០នាទីព្រឹក ថ្ងៃទី០៧ កុម្ភៈ ២០១៥ នៅភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង ដោយដកហូតបានថ្នាំញៀន និងប្រដាប់សម្រាប់ប្រើប្រាស់ថ្នាំញៀនជាច្រើនទៀត ។
លោក គឹម សារ៉េត អនុប្រធានការិយាល័យកណ្តាលប្រឆាំងបទល្មើសនៃស្នងការដ្ឋាននគរបាលខេត្តកំពង់ឆ្នាំង បានឱ្យដឹងថា ដោយបានទទួលព័ត៌មានពីសកម្មភាពក្រុមចែកចាយយ៉ាងសកម្ម ដែលបានធ្វើសកម្មភាពចែកចាយថ្នាំញៀនក្នុងខេត្ត ហើយបានទទួលព័ត៌មានច្បាស់ការណ៍ថា ក្រុមជនសង្ស័យខាងលើទើបតែទៅទទួលយកថ្នាំញៀន ម៉ាទឹកកកពីភ្នំពេញក្នុងតម្លៃ១.៩៩៥ដុល្លារដើម្បីចែកចាយក្នុងខេត្ត ពេលនោះដែរ ឧត្តមសេនីយ៍ត្រី ប្រាក់ វុឌ្ឍី ស្នងការនគរបាលខេត្តបានបញ្ជាឱ្យលោកឆ្លងយោបល់លោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្ត ហើយលោកក៏បានដឹកនាំការបង្ក្រាបនេះតែម្តង ។
លោកបានបន្តថា ពេលចុះបង្ក្រាបនោះ ជនសង្ស័យម្នាក់ដែលស្គាល់អត្តសញ្ញាណច្បាស់ បានជិះម៉ូតូចេញផុត ហេតុនេះសមត្ថកិច្ចចាប់ខ្លួនបានតែម្នាក់ប៉ុណ្ណោះ ។ ជនសង្ស័យដែលចាប់ខ្លួនបានមានឈ្មោះ ខៀវ ប៊ុនថៃ អាយុ២៥ឆ្នាំ មានទីលំនៅភូមិឃុំកើតហេតុខាងលើ ។ ក្នុងពេលចុះទៅបង្ក្រាបនោះជនសង្ស័យត្រូវសមត្ថកិច្ចចាប់បាននៅកន្លែងចិញ្ចឹមជ្រូក ក្រោយផ្ទះដែលមានចម្ងាយជាង៥០ម៉ែត្រ និងដកហូតបានសម្ភារប្រើប្រាស់ថ្នាំញៀនជាច្រើន ព្រោះជាទីតាំងសម្រាប់ផ្តល់ឱ្យអ្នកទិញយកទៅប្រើប្រាស់ បន្ទាប់មកបានឆែកឆេរក្នុងផ្ទះជនសង្ស័យរកឃើញថ្នាំញៀន៦កញ្ចប់ធំស្មើនឹង៣៣,៧០ ក្រាម ។ ក្រៅពីដកហូតវត្ថុតាងខាងលើ សមត្ថកិច្ចបានដកហូតបានសម្ភារៈផ្សេងទៀតមាន កាំភ្លើងកែច្នៃចំនួន២ដើម គ្រាប់ព្រួញចំនួន៣ ច្បូកមុខ៣ចំនួន១ កាំបិតចំពុះទុង១ ជញ្ជីងថ្លឹងថ្នាំ១ និងសម្ភារមួយចំនួនទៀត ។
ជនសង្ស័យខាងលើ និងបក្សពួកម្នាក់ទៀតដែលរត់រួចជាមុខសញ្ញាចែកចាយយ៉ាងសកម្មដែលទៅទទួលទិញដុំពីភ្នំពេញមកច្រកចូលកូនថង់តូចៗ រួចជិះម៉ូតូចែកចាយក្នុងក្រុង និងខេត្ត ។ ជនសង្ស័យខាងលើរួមជាមួយវត្ថុតាងត្រូវបាននគរបាលកសាងសំណុំរឿងបញ្ជូនទៅតុលាការតាមនិតិវិធី ៕
ថ្ងៃអាទិត្យ ទី៨ ខែកុម្ភៈ ឆ្នាំ២០១៥ ម៉ោង ១៤:៥៥
ខេត្តកំពង់ឆ្នាំង ៖ ជនសង្ស័យជាអ្នកចែកចាយថ្នាំញៀនម្នាក់ក្នុងចំណោមបក្សពួក២នាក់ត្រូវបានកម្លាំងនគរបាលក្រុងកំពង់ឆ្នាំងសហការជាមួយកម្លាំងនគរបាលការិយាល័យប្រឆាំងគ្រឿងញៀនខេត្ត ដឹកនាំដោយលោកព្រះរាជអាជ្ញារងអមសាលាដំបូងខេត្ត បង្ក្រាប និងចាប់ខ្លួនបាន កាលពីវេលាម៉ោង១០ និង៣០នាទីព្រឹក ថ្ងៃទី០៧ កុម្ភៈ ២០១៥ នៅភូមិដំណាក់ពពូល សង្កាត់កំពង់ឆ្នាំង ក្រុងកំពង់ឆ្នាំង ដោយដកហូតបានថ្នាំញៀន និងប្រដាប់សម្រាប់ប្រើប្រាស់ថ្នាំញៀនជាច្រើនទៀត ។
លោក គឹម សារ៉េត អនុប្រធានការិយាល័យកណ្តាលប្រឆាំងបទល្មើសនៃស្នងការដ្ឋាននគរបាលខេត្តកំពង់ឆ្នាំង បានឱ្យដឹងថា ដោយបានទទួលព័ត៌មានពីសកម្មភាពក្រុមចែកចាយយ៉ាងសកម្ម ដែលបានធ្វើសកម្មភាពចែកចាយថ្នាំញៀនក្នុងខេត្ត ហើយបានទទួលព័ត៌មានច្បាស់ការណ៍ថា ក្រុមជនសង្ស័យខាងលើទើបតែទៅទទួលយកថ្នាំញៀន ម៉ាទឹកកកពីភ្នំពេញក្នុងតម្លៃ១.៩៩៥ដុល្លារដើម្បីចែកចាយក្នុងខេត្ត ពេលនោះដែរ ឧត្តមសេនីយ៍ត្រី ប្រាក់ វុឌ្ឍី ស្នងការនគរបាលខេត្តបានបញ្ជាឱ្យលោកឆ្លងយោបល់លោក ឯក ស៊ុនរស្មី ព្រះរាជអាជ្ញារងអមសាលាដំបូងខេត្ត ហើយលោកក៏បានដឹកនាំការបង្ក្រាបនេះតែម្តង ។
លោកបានបន្តថា ពេលចុះបង្ក្រាបនោះ ជនសង្ស័យម្នាក់ដែលស្គាល់អត្តសញ្ញាណច្បាស់ បានជិះម៉ូតូចេញផុត ហេតុនេះសមត្ថកិច្ចចាប់ខ្លួនបានតែម្នាក់ប៉ុណ្ណោះ ។ ជនសង្ស័យដែលចាប់ខ្លួនបានមានឈ្មោះ ខៀវ ប៊ុនថៃ អាយុ២៥ឆ្នាំ មានទីលំនៅភូមិឃុំកើតហេតុខាងលើ ។ ក្នុងពេលចុះទៅបង្ក្រាបនោះជនសង្ស័យត្រូវសមត្ថកិច្ចចាប់បាននៅកន្លែងចិញ្ចឹមជ្រូក ក្រោយផ្ទះដែលមានចម្ងាយជាង៥០ម៉ែត្រ និងដកហូតបានសម្ភារប្រើប្រាស់ថ្នាំញៀនជាច្រើន ព្រោះជាទីតាំងសម្រាប់ផ្តល់ឱ្យអ្នកទិញយកទៅប្រើប្រាស់ បន្ទាប់មកបានឆែកឆេរក្នុងផ្ទះជនសង្ស័យរកឃើញថ្នាំញៀន៦កញ្ចប់ធំស្មើនឹង៣៣,៧០ ក្រាម ។ ក្រៅពីដកហូតវត្ថុតាងខាងលើ សមត្ថកិច្ចបានដកហូតបានសម្ភារៈផ្សេងទៀតមាន កាំភ្លើងកែច្នៃចំនួន២ដើម គ្រាប់ព្រួញចំនួន៣ ច្បូកមុខ៣ចំនួន១ កាំបិតចំពុះទុង១ ជញ្ជីងថ្លឹងថ្នាំ១ និងសម្ភារមួយចំនួនទៀត ។
ជនសង្ស័យខាងលើ និងបក្សពួកម្នាក់ទៀតដែលរត់រួចជាមុខសញ្ញាចែកចាយយ៉ាងសកម្មដែលទៅទទួលទិញដុំពីភ្នំពេញមកច្រកចូលកូនថង់តូចៗ រួចជិះម៉ូតូចែកចាយក្នុងក្រុង និងខេត្ត ។ ជនសង្ស័យខាងលើរួមជាមួយវត្ថុតាងត្រូវបាននគរបាលកសាងសំណុំរឿងបញ្ជូនទៅតុលាការតាមនិតិវិធី ៕
0 comments:
Post a Comment