ថ្ងៃអង្គារ ទី៣ ខែកុម្ភៈ ឆ្នាំ២០១៥ ម៉ោង ១០:២៨
វេជ្ជបណ្ឌិត Adam Briggs សមាជិកក្រុមអ្នកស្រាវជ្រាវបានថ្លែងថា៖«មានពាក្យស្លោកមួយឃ្លាដែលគេតែងសូត្រទន្ទេញចាំមាត់នោះគឺទទួលទានប៉ោម១ផ្លែក្នុងមួយថ្ងៃឃ្លាតឆ្ងាយពីគ្រូពេទ្យ ។ ឃ្លានេះគឺគ្រាន់តែចង់បង្ហាញពីការផ្លាស់ប្តូរដ៏តូចមួយប្រកបដោយប្រសិទ្ធភាពក្នុងរបបអាហារ ។ ទាំងរបបអាហារនិងទាំងថ្នាំពេទ្យគឺពិតជាអាចធ្វើឱ្យមានការផ្លាស់ប្តូរពិតប្រាកដមួយក្នុងការទប់ស្កាត់ជំងឺបេះដូងនិងដាច់សរសៃឈាមខួរក្បាល»។
ក្រុមអ្នកស្រាវជ្រាវមកពីសាកលវិទ្យាល័យ Oxford University ចក្រភពអង់គ្លេសបានអះអាងថា ទទួលទានប៉ោម១ផ្លែក្នុងមួយថ្ងៃ អាចជួយឱ្យបុគ្គលដែលមានអាយុចាប់ពី៥០ឆ្នាំឡើងទៅគេចផុតពីជំងឺគាំងបេះដូង និងថា វាអាចមានប្រសិទ្ធភាពស្មើនឹងពពួកឱសថបញ្ចុះខ្លាញ់កូឡេស្តេរ៉ូលផងដែរ ។
លោកវេជ្ជបណ្ឌិត Briggsបានបន្ថែមថា ៖
លោកវេជ្ជបណ្ឌិត Briggsបានបន្ថែមថា ៖
«ខណៈបច្ចុប្បន្ននេះគ្មានអ្នកណាម្នាក់ត្រូវគ្រូពេទ្យចេញវេជ្ជបញ្ជាឱ្យទទួលទានផ្លែប៉ោមជំនួសថ្នាំបញ្ចុះខ្លាញ់ ប៉ុន្តែ យើងទាំងអស់គ្នា អាចទទួលបានអត្ថប្រយោជន៍សុខភាពស្មើៗគ្នាដោយគ្រាន់តែបង្កើនការទទួលទានផ្លែឈើនិងបន្លែ »។
ដោយឡែក យោងតាមក្រុមអ្នកស្រាវជ្រាវអាមេរិកវិញបានបញ្ជាក់ថា ការទទួលទានផ្លែប៉ោមអាចជួយកែលំអកម្រិតខ្លាញ់កូឡេស្តេរ៉ូលព្រមទាំងបញ្ចុះទម្ងន់ ។ ការសិក្សាដែលចេញផ្សាយកាលឆ្នាំកន្លងទៅនោះ បានអះអាងថា ស្ត្រីដែលទទួលទានប៉ោមស្ងួត៧៥ក្រាមក្នុងមួយថ្ងៃសម្រាប់រយៈពេល៦ខែឃើញថា កម្រិតកូឡេស្តេរ៉ូលអាក្រក់( LDL Cholesterol)ធ្លាក់ចុះដល់ជិត១/៤ ។ ចំណែកកូឡេស្តេរ៉ូលល្អដែលមាននាទីជួយការពារសរសៃឈាម (HDL Cholesterol)បានកើនឡើងប្រហែលជា៤ភាគរយ ។ ឯកម្រិតសមាសធាតុផ្សេងៗទៀតដែលធ្វើឱ្យកើតជំងឺបេះដូងនិងជំងឺដាច់សរសៃឈាមខួរក្បាលក៏បានធ្លាក់ចុះក្នុងចំនួនដូចគ្នាផងដែរ ។
សម្រាប់ផ្លែប៉ោមស្រស់វិញ ដើម្បីទទួលបានអត្ថប្រយោជន៍ដូចខាងលើនេះក្រុមអ្នកស្រាវជ្រាវបញ្ជាក់ថា គេគួរទទួលទានឱ្យបាន៤ផ្លែក្នុង១ថ្ងៃ ។
វេជ្ជបណ្ឌិត Bahram Arjimandiមកពីសាកលវិទ្យាល័យ Florida State Universityសហរដ្ឋអាមេរិកបានថ្លែងថា ខ្លួនលោកមិនបានរំពឹងថា ការទទួលទានផ្លែប៉ោមអាចជួយកាត់បន្ថយកូឡេស្តេរ៉ូលអាក្រក់បែបនេះសោះ ហើយថា លទ្ធផលនេះធ្វើឱ្យលោកស្ទើរតែមិនជឿ ។ ថ្លែងនៅក្នុងសន្និសីទមួយក្នុងទីក្រុងវ៉ាស៊ីនតោន វេជ្ជបណ្ឌិត Arjimandiបញ្ជាក់ថា៖«មនុស្សគ្រប់គ្នាអាចទទួលបានផលប្រយោជន៍ពីការទទួលទានផ្លែប៉ោម» ៕
វេជ្ជបណ្ឌិត Bahram Arjimandiមកពីសាកលវិទ្យាល័យ Florida State Universityសហរដ្ឋអាមេរិកបានថ្លែងថា ខ្លួនលោកមិនបានរំពឹងថា ការទទួលទានផ្លែប៉ោមអាចជួយកាត់បន្ថយកូឡេស្តេរ៉ូលអាក្រក់បែបនេះសោះ ហើយថា លទ្ធផលនេះធ្វើឱ្យលោកស្ទើរតែមិនជឿ ។ ថ្លែងនៅក្នុងសន្និសីទមួយក្នុងទីក្រុងវ៉ាស៊ីនតោន វេជ្ជបណ្ឌិត Arjimandiបញ្ជាក់ថា៖«មនុស្សគ្រប់គ្នាអាចទទួលបានផលប្រយោជន៍ពីការទទួលទានផ្លែប៉ោម» ៕
0 comments:
Post a Comment