ថ្ងៃចន្ទ ទី១៦ ខែមីនា ឆ្នាំ២០១៥ ម៉ោង ១០:៥០
ការពិនិត្យមើលលើទិន្នន័យរបស់អ្នកជំងឺ ១ម៉ឺននាក់គឺបានបង្ហាញពីការជាប់ទាក់ទងគ្នារវាងការទទួលទានខ្លាញ់និងជំងឺមហារីកដោះ ។
ការសិក្សាស្រាវជ្រាវធ្វើឡើងដោយអ្នកវិទ្យាសាស្ត្រប្រទេសអុីតាលីបានរកឃើញថា បណ្តាស្ត្រីដែលនិយមទទួលទានអាហារមានខ្លាញ់ច្រើនគឺប្រឈមនឹងជំងឺមហារីកដោះច្រើនជាង១/៥ ។
ការសិក្សាស្រាវជ្រាវធ្វើឡើងដោយអ្នកវិទ្យាសាស្ត្រប្រទេសអុីតាលីបានរកឃើញថា បណ្តាស្ត្រីដែលនិយមទទួលទានអាហារមានខ្លាញ់ច្រើនគឺប្រឈមនឹងជំងឺមហារីកដោះច្រើនជាង១/៥ ។
សរសេរនៅក្នុងព្រឹត្តិបត្រ Journal of The National Cancer Institute វេជ្ជបណ្ឌិត Sabina Sieri អ្នកដឹកនាំការសិក្សាមកពីវិទ្យាស្ថានជំងឺដុំសាច់ នៅទីក្រុង Milan ប្រទេសអីុតាលីបានបញ្ជាក់ថា ៖«លទ្ធផលរបស់យើងបានបង្ហាញថា របបអាហារដែលសម្បូរដោយខ្លាញ់គឺបង្កើនហានិភ័យជំងឺមហារីកដោះ »។
ចំណែក ការសិក្សាមួយរបស់អង់គ្លេសកាលពីឆ្នាំ ២០១៣បានរកឃើញថា ទទួលទានប្រភេទអាហារសម្រន់ឬអាហារវេចខ្ចប់ឆ្អិនស្រាប់ដែលសម្បូរដោយខ្លាញ់គឺបង្កើនហានិភ័យកើតជំងឺមហារីកពោះវៀនធំ ។ ការសិក្សាបានរកឃើញទៀតថា ទទួលទានអាហារទាំងអស់នេះច្រើននឹងធ្វើឱ្យកម្រិតកូឡេស្តេរ៉ូលក្នុងឈាមឡើងកាន់តែខ្ពស់ផងដែរ ។ បើទោះណា វាមិនមែនជាអ្នកបង្កឱ្យកើតមហារីកដោយផ្ទាល់ក្តី ក៏ប៉ុន្តែកម្រិតដ៏ច្រើនលើសលប់របស់កូឡេស្តេរ៉ូលអាចនាំឱ្យកើតជំងឺបេះដូងបាន ។
ដោយឡែក ការសិក្សាមួយផ្សេងទៀតធ្វើឡើងដោយក្រុមអ្នកវិទ្យាសាស្ត្រសាកលវិទ្យាល័យ University of Southamptonបានរកឃើញថា ទទួលទានអាហារផ្ទុកខ្លាញ់ច្រើនអាចធ្វើឱ្យរាំងស្ទះដល់លំហូរឈាមទៅកាន់ខួរក្បាលនិងឈានទៅកើតមានជំងឺភ្លេចភ្លាំង ៕
0 comments:
Post a Comment