ក្រុមអ្នកស្រាវជ្រាវអាមេរិកបានអះអាងកាលពីពេលថ្មីៗនេះថា ស្ត្រីបរិភោគត្រី២-៣ដងក្នុង១សប្តាហ៍អាចកាត់បន្ថយហានិភ័យបាត់បង់សោតវិញ្ញាណ (ត្រចៀកថ្លង់) ។
អ្នកដឹកនាំការសិក្សា Sharon Curhan មកពីមន្ទីរពេទ្យស្ត្រី ទីក្រុងបូស្តុន សហរដ្ឋអាមេរិក បានថ្លែងថា៖ «បច្ចុប្បន្ន ការបាត់បង់សោតវិញ្ញាណ ស្ថិតក្នុងកម្រិតប្រេងវ៉ាឡង់ខ្ពស់បំផុត ហើយជាលក្ខខណ្ឌសុខភាពដ៏រ៉ាំរ៉ៃមួយ ។ បើទោះបីខូចប្រព័ន្ធសោតវិញ្ញាណជារឿយៗ កើតលើមនុស្សវ័យចំណាស់ក្តី ក៏អត្តសញ្ញាណនៃកត្តាប្រឈមដ៏មានសក្តានុពលជាច្រើនបានផ្តល់ឱ្យនូវទស្សនវិស័យថ្មី លើលទ្ធភាព ដើម្បីទប់ស្កាត់ឬ ពន្យារការបាត់បង់សោតវិញ្ញាណ» ។
អំឡុងការពិសោធជាច្រើនឆ្នាំ អ្នកស្រាវជ្រាវបានពិនិត្យមើលពីការជាប់ពាក់ព័ន្ធគ្នា រវាងការបរិភោគត្រី អាស៊ីតខ្លាញ់ PUFA និងការបាត់បង់សោតវិញ្ញាណ ។ ក្រោយពេល៨ឆ្នាំ ស្ត្រី ១១.៦០៦នាក់ ក្នុងចំណោមស្ត្រីដែលស្ម័គ្រពិសោធ៦៥.០០០នាក់ប្លាយ បានខូចត្រចៀក ស្លាប់លែងឮ ។ យ៉ាងណាក៏ដោយ នៅពេលធ្វើការប្រៀបធៀបគ្នា ក្រុមស្ត្រីបរិភោគត្រី២ ឬច្រើនដងក្នុង១សប្តាហ៍ អាចកាត់បន្ថយហានិភ័យ បញ្ហាខាងដើមបាន២០% ។
សាស្ត្រាចារ្យ Sharon Curhan បានថ្លែងថា៖ «ការបរិភោគត្រីធូណា ឬត្រីសម្បូរខ្លាញ់ផ្សេងទៀត បង្ហាញឱ្យឃើញនូវលទ្ធផលធ្វើឱ្យថយចុះហានិភ័យ ។ ដូច្នេះ ការរកឃើញលើកនេះ ជាសញ្ញាមួយប្រាប់ថា របបអាហារទទួលទានប្រចាំថ្ងៃដើរតួនាទីសំខាន់ទប់ស្កាត់ការបាត់បង់សោតវិញ្ញាណ» ៕
0 comments:
Post a Comment