Sunday, May 10, 2015
តើបុគ្គលវ័យចំណាស់គួរទទួលទានបែបណាដើម្បីរក្សាសុខភាពរាងកាយ ?
ប្រភពមកពី kohsantepheapdaily
អាហារគឺជាតម្រូវការចាំបាច់ដើម្បីរក្សាលំនឹងក៏ដូចជាផ្តល់ថាមពលដល់រាងកាយ ។ នៅពេលមនុស្សមានវ័យកាន់តែចាស់ទៅ តម្រូវការសារធាតុចិញ្ចឹមគឺបានកើនឡើង ។ ដូច្នេះ ការទទួលទានត្រឹមត្រូវគឺជារឿងចាំបាច់បំផុត ។ គេត្រូវដឹងថា បុគ្គលនៅពេលអាយុកាន់តែច្រើន ប្រព័ន្ធការពាររាងកាយ ការរំលាយអាហារ ឆ្អឹងនិងសាច់ដុំគឺបានចុះខ្សោយ ។ ហេតុនេះ បង្កើនការទទួលទានគឺជាកិច្ចការចាំបាច់ជាជាងការកាត់បន្ថយ ។
*តើរបបអាហារបែបណាដែលគួរទទួលទាន ?
១-ស៊ុតនិងបន្លែផ្លែឈើគ្រប់ពណ៌
ការដាក់បញ្ចូលបន្លែនិងផ្លែឈើទៅក្នុងរបបអាហារប្រចាំថ្ងៃពី២-៣ដងក្នុងមួយថ្ងៃនឹងជួយបង្ការការទល់លាមក ។ ចំណែកផ្នែកពណ៌សរបស់ស៊ុតគឺជាប្រភពដ៏សម្បូរបែបនៃប្រូតេអីុនដែលមាននាទីសំខាន់ជួសជុលបណ្តាកោសិកានិងជាលិកា ។
២- ចូរទម្លាប់ប្រើប្រេងអូលីវឬប្រេងMustardនៅពេលតម្រូវការចៀននិងឆា ។ បែបនេះគឺជួយទប់ស្កាត់ការឡើងខ្លាញ់កូឡេស្តេរ៉ូលអាក្រក់ ។
៣-ស៊ុបបន្លែនិងទទួលទានច្រើនដងក្នុងមួយថ្ងៃ ។ ស៊ុបបន្លែជាអាហារពិសេសចំពោះសុខភាពមនុស្សចាស់ វាគ្មានសារធាតុុក្រេម ។ មួយវិញទៀត ការទទួលទានអាហារតិច ប៉ុន្តែច្រើនដង(៦-៧ដង)ក្នុងមួយថ្ងៃគឺជំនួយដល់ការរំលាយអាហារ ការស្រូបយកជីវជាតិក៏ដូចជាទប់ស្កាត់ភាពហេវហត់ ។
៤-ចៀសវាងទទួលទានអាហារស្រាប់ដែលមានដាក់ពណ៌សិប្បនិម្មិតនិងសារធាតុគីមីទុកបានយូរ ។ ជាជំនួសមកវិញ ចូរទទួលទានបណ្តាអាហារដែលសម្បូរដោយប៉ូតាស្យូម ។ បន្ថែមពីនេះ ទឹកដូងខ្ចីគឺជាប្រភពល្អឯកជួយឱ្យសាច់ដុំបត់បែនបានល្អ ទប់ស្កាត់កង្វះជាតិទឹកនិងការហើម ។ ឯបបរសអង្ករស្រូវសាឡីអាវ័នគឺជាអាហារពេលព្រឹកដ៏ល្អពិសិដ្ឋសម្រាប់បុគ្គលវ័យចំណាស់ ។
៥-ចូរទទួលទានទឹកឱ្យបាន១៥កែវក្នុងមួយថ្ងៃដើម្បីទប់ស្កាត់ការបាត់បង់ជាតិទឹក ។ គេត្រូវដឹងថា បុគ្គលគ្រប់រូបនៅពេលមានវ័យកាន់តែចាស់ទៅ ដង់ស៊ីតេសាច់ដុំថយចុះ ហើយការបាត់បង់ជាតិទឹកស្ថិតក្នុងកម្រិតខ្ពស់ ជាពិសេសក្នុងរដូវក្តៅ ។
៦-ចូរហាត់ប្រាណឱ្យបានទៀងទាត់និងរាល់ថ្ងៃ ។ ការហាត់ប្រាណមានដូចជា លើកដៃ លើកជើង ពត់ពេនខ្លួនជាពិសេសគឺការហាត់យោគៈនឹងជួយធានាការស្រូបយកសារធាតុចិញ្ចឹមបានល្អ ៕
0 comments:
Post a Comment