ការចែករំលែកនូវបទពិសោធន៍ របស់ លោកសំ គីមសាន

នៅព្រឹកថ្ងៃទី ០១ ខែកុម្ភៈ ឆ្នាំ២០១៦ វេលាម៉ោង ៩:០០ លោកសំ គីមសាន ជាអ្នកបញ្ចូលសំលេងក្នុងផលិតកម្មរស្មីតាន់តាន់  និងរស្មីឯករាជ្យ ។ មុនពេលគាត់ប្ដូរការងារទៅភ្នំពេញគាត់បានធ្វើការនៅមន្ទីសារព័ត៌មាន ខេត្តព្រះសីហនុរយៈពេល ៣ឆ្នាំ បន្ទាប់មកគាត់បានទៅធ្វើការនៅភ្នំពេញជាអ្នកបញ្ចូលសំលេងរយៈពេល ១៦ឆ្នាំ។ គាត់បានធ្វើការបញ្ចូលសំលេងនៅក្នុងរឿង ថៃ ភីលីពិន ឥណ្ឌា​នឹងមានរឿងជាច្រើនទៀត។ ថ្ងៃនេះគាត់បានមកសាលាបច្ចេកទេស ដុន បូស្កូ ខេត្តព្រះសីហ​នុ ដើម្បីចែករំលែកនូវបទពិសោធន៍ របៀបនៃការបញ្ចូលសំលេង ការបញ្ចេញសំលេង និង​ដោយការបញ្ចូលសំលេងដោយផ្ទាល់របស់គាត់នៅក្នុងផ្នែកទំនាក់ទំនងសង្គម និងសារព័ត៌មាន។ ក្នុងអំឡុងពេលនោះគាត់បានអោយសិស្សអនុវត្តផ្ទាល់។