អ៊ីរ៉ង់ ៖ គំរោងដំណោះស្រាយកំពុងឈានទៅដល់គោលដៅមួយរវាងក្រុមប្រទេសមហាអំណាចនិងអ៊ីរ៉ង់ស្តីពីការទប់ស្កាត់ចំពោះកម្មវិធីនុយក្លេអ៊ែរ របស់អ៊ីរ៉ង់យ៉ាងប្រយ័ត្នប្រយែង និងពោរពេញទៅដោយសុទិដ្ឋិនិយម ដោយក្រុមមេដឹកនាំអន្តរជាតិជាច្រើន ។
នៅក្នុងសេចក្តីបញ្ជាក់នៃការដោះស្រាយបែបនេះក៏មានតែអ៊ីស្រាអ៊ែលមួយប៉ុណ្ណោះដែលហាននិយាយសម្រេចថា ការដោះស្រាយប្រកបដោយសន្តិវិធីនេះវាជាជំហានគ្រោះថ្នាក់មួយក្នុងដំណើរតម្រង់ខុសទិសដៅ ។
អ្នកនាំពាក្យរបស់លោកនាយករដ្ឋមន្ត្រីបេនចាម៉ីន នេតានយ៉ាហ៊ូ របស់ប្រទេសអ៊ីស្រាអ៊ែល លោក ម៉ាក រ៉េហ្គេវ (Mark Regev) អោយដឹងថា គំរោងដោះស្រាយនេះជាជំហានមួយមានគ្រោះថ្នាក់ខ្លាំងណាស់ដែលធ្វើអោយអ៊ីរ៉ង់មានឱកាសបង្កើតរចនាសម្ព័ន្ធនុយក្លេអ៊ែរកាន់តែខ្លាំងថែមទៀត ដោយមិនបានធ្វើអោយអ៊ីរ៉ង់ បញ្ឈប់កម្មវិធីនុយក្លេអ៊ែររបស់ខ្លួននោះឡើយ ។
លោករ៉េ ហ្កេវ បន្តថា គំរោងដោះស្រាយគ្រប់យ៉ាងមិនបានឈានទៅដល់កិច្ចព្រមព្រាងមួយសំរាប់ជំនួបនៅថ្ងៃ ៣០ ខែមិថុនា ខាងមុខ ខណៈសហរដ្ឋអាមេរិក និង សហភាពអឺរ៉ុប នឹងបន្ថយគំនាបទណ្ឌកម្មទៅលើអ៊ីរ៉ង់បន្តិចម្តងៗ នោះ ។
ស្របពេលជាមួយនេះបានធ្វើអោយអ៊ីរ៉ង់មានឧកាសកែប្រែចង្ក្រានរ៉េអាក់ទីដែលមានលទ្ធភាពផលិតសារធាតុ ព្លុយតូនីញូម (Plutonium) បន្ថែមទៀត សំរាប់ផលិតអាវុធអាតូមីក ៕
0 comments:
Post a Comment