អាមេរិក ៖ យោងតាមមន្ត្រីទទួលបន្ទុកកិច្ចការឧក្រិដ្ឋកម្មសហព័ន្ធក្នុងពេលធ្វើសន្និសីទសារព័ត៌មានជាសាធារណៈនៅមុខអាគារតុលាការក្នុងតំបន់ ប្រូកលីន ក្នុងរដ្ឋញូវយ៉ក សហរដ្ឋអាមេរិកកាលថ្ងៃព្រហស្បតិ៍អោយដឹងថា ស្ត្រីអ្នករស់នៅក្នុងទីក្រុងញូវយ៉កចំនួនពីរនាក់ត្រូវបានអាជ្ញាធរក្នុងតំបន់ចាប់ខ្លួន ។
សេចក្តីរាយការណ៍បន្តថា ការចាប់ខ្លួនធ្វើឡើងក្រោយពីបានអង្កេតតាមដានដឹងថា ស្ត្រីទាំងពីរនាក់នេះបានរួមគំនិតក្បត់ក្នុងការផលិតគ្រាប់បែក និងធ្វើសង្គ្រាម វាយប្រហារតាមរយៈភេរវកម្ម នៅក្នុងសហរដ្ឋអាមេរិក ។
ស្ត្រីជាជនសង្ស័យ ម្នាក់ឈ្មោះ ណូអែល វេឡង់សាស អាយុ ២៨ ឆ្នាំ និង ម្នាក់ទៀតឈ្មោះអេស៊ី ស៊ីឌីគី អាយុ ៣១ ឆ្នាំមានគោលដៅវាយប្រហារទៅលើប៉ុស្តិ៍នគរបាល និងគ្រោងគោលដៅដាក់គ្រឿងបំផ្ទុះនៅតាមអាគាររដ្ឋាភិបាល និងកន្លែងយោធា ដែលនេះជាកាលះបង់យ៉ាងមុតមាំក្នុងជំនឿសាសនាអីស្លាមនីកាយ ជីហាត សំរាប់បំផ្លាញ ។
ប្រភពព័ត៌មានបន្ថែមថា ស្រ្តីណូអែលវេឡង់សាស ធ្លាប់បានឃុបឃិតគំនិតក្បត់អបអរការវាយប្រហាររបស់ក្រុមអាល់កៃដា នៅក្នុងសហរដ្ឋអាមេរិកនៅថ្ងៃទី ១១ ខែ កញ្ញា ឆ្នាំ ២០០១ ក្រោមការដឹកនាំរបស់មេក្លោង អាល់កៃដា អូសាម៉ា ប៊ីនឡាឌីន ជាវីរៈជនខាងប្រព្រឹត្តអំពើឧក្រឹដ្ឋ ហើយស្រ្ដីម្នាក់នេះក៏ជាពលរដ្ឋរបស់ក្រុមរដ្ឋអីស្លាមដែរ ។ដែលរូបគេតែងគ្របក្រណាត់លើក្បាលចងក្រោមចង្កាជារាងរាល់ថ្ងៃមិនអាចនរណាស្គាល់មុខបាន ៕
0 comments:
Post a Comment